Nýr veitingastaður, kaffihús og ísbúð á Geysi sem ber heitið Geysir Glíma. Um er að ræða nýja upplifun fyrir ferðamenn þar sem náttúra Íslands, þjóðaríþrótt Íslendinga og einstök hönnun er leidd saman á ein stað. Veitingastaðurinn er hannaður af Leifi Welding og er íslensk náttúra innblástur hans.

Lögð er áhersla á íslenskt eldhús og fersk hráefni beint frá býli. Heitur matur er alltaf í boði í hádeginu og þar má meðal annars finna fisk dagsins t.d. silung eða þorsk, ljúffengt lamb og plokkfisk. Ávallt eru 3 súpur í boði: kjötsúpa, fiskisúpa og súpa  dagsins með nýbökuðu brauði. Einnig er hægt að fá pizzur, panini, bökur og margt fleira. Glæsilegt úrval er af kökum og nýmalað kaffi frá Illy, ís úr vél með heimagerðum vöffluformum og kúluís. Úrval af víni og sérstök áhersla er lögð á úrval af íslenskum bjór.

Sigurður Greipson forfaðir fjölskyldunnar var mikill íþróttagarpur og frumkvöðull í íþróttaskólastarfi. Höfum við reynt að halda minningu hans og hans góða starfi á lofti og því er glímusýning hluti af veitingastaðnum. Meðal annars er til sýnis Grettisbeltið sem er merkasti og sögufrægasti gripur í gjörvallri íþróttasögu Íslands og einnig sá elsti, beltið hefur verið geymt í bankahólfi hingað til.

Fleiri myndir af staðnum má sjá hér: http://www.flickr.com/photos/hotelgeysir/sets/72157632873539372/

Fyrir fyrirspurnir og bókananir endilega hafið samband við geyser@geyser.is eða í síma 852-5005